Опис на проектот:

Проектот започна со спроведување на истражување кое овозможи разбирање на состојбата во МСП, но и тековните политики за нивна промоција и развој во Македонија. Овие информации беа основа за дизајнирање на Системот на менторски услуги во Македонија преку постојната институционална инфраструктура за поддршка на МСП на локално ниво. Проектот придонесува за надградба на нивните капацитети за испорака на стандардизирани услуги кон МСП  кон нивната самоодржливост на дог рок. Имплементацијата на активностите резултира со воспоставување на одржлив менторинг систем и тренинг систем за ментори (теоретски и практичен тренинг), што подразбира: стратегија/план за имплементација, менторинг водич за менторите, тренинг курикулуми на различни теми, метод за евалуација, тренинг во Јапонија, промоција на системот во Македонија и друго. 
Проектот има Одбор за заедничка координација и евалуација, одржува годишни средби за споделување информации и следење на целокупниот прогрес на проектот. Дополнително, проектот ќе овозможи прибирање информаци за инвестициската клима и локалните претпријатија со потенцијал за привлекување инвестиции, надградба на знаењата и вештините на менторите од областа на интернационализација на МСП, јапонски техники за подобрување на продукивноста на МСП – 5С, КАИЗЕН и др. 

- Воспоставување на одржлив и стандардизиран систем на менторски услуги за поддршка на МСП
- Воспоставување систем за обука на кандидати за ментори и ментори
- Воспоставување на стандардизирана менторска услуга за МСП
- Следење и евалуација на перформансите за подобрување на системот

Цел на проектот е воспоставување на алианса на знаење помеѓу високообразовните институции и бизнисите заради промоција на еко- иновативното претприемништво на Балканот. Заедничката имплементација на сеопфатен збир активности се посветени на унапредување на иновацијата во областа на менаџментот на еко-иновативното претриемништво и одржливата економија. Со проектот ке се подобри квалитетот на образованието, што ке обезбеди квалитетни и едуцирани кадри преку воспоставување на силна алијанса на знаење меѓу високообразовните институции, центрите за стручно образование и обука. Дополнително, со проектот се овозможува да се постигне прекугранична соработка помеѓу деловните субјекти и универзитетите со цел промовирање и подигнување на свеста за животната средина во иновациите и претприемништво.

Резултати:

• Составување извештај за проценка на постојните знаења, вештини и барања на малите и средни претпријатија поврзани со еко-претприемништво;
• Истражување од областа на Еко-управување и еко-иновации, со достапен материјал за обука и развивање на нови процедури за обука засновани врз потребите на МСП;
• Развој на иновативна рамка за учење со цел да се поддржи модернизацијата на образованието и доживотното учењена персоналот на претпријатијата;
• Развој на наставни програми засновани врз резултатите од учењето засновани врз когнитивните и потребите за обука на професионалци од МСП;
• Развој и испорака наменски модули за обука прилагодени на еко-иновациите претприемничко знаење и вештини потребни од страна на персоналот на МСП;
• Зголемување на сесноста кај професионалците и малите и средни претпријатија за еко-иновации и одржливи практики на економијата;
• Воспоставување активна транснационална мрежа на акадамски кадар, стручни обучувачи, истражувачи, ментори, професионалци, спинови за да се поттикне интеграцијата на образованието, истражувањето и деловните активности обезбедете стратегија за самоодржлива имплементација за поддршка на признавање и трансфер на пристапот;
• Проектот вклучува арена пред инкубатор, со цел да ги поддржи новите претприемачи да ги презентираат своите еко-иновативни идеи и да ги елаборираат со крајна цел за развој на нови еко-вложувања и деловни активности.
• Обезбедува поддршка за советување и менторство, хостирани во рамките на лабораториите за Еко-иновации за претприемништво (EIE).
• EIE лабораториите се дизајнирани да обезбедат можности за промовирање на воспоставување иновативни мали и средни претпријатија кои произведуваат раст и се насочени кон млади претприемачи: да добијат обука, што ќе ги подобри нивните способности за ефективно функционирање како претприемачи или во претприемачки капацитет, со цел да ги извршуваат своите лични потфати и да пропагираат релевантни вредности и знаења, додека студентите: да стекнат засилени вештини што ќе им овозможат да размислуваат креативно, да бидат иновативни, да развиваат свесност за интелектуалните средства и зајакнат капацитет за управување и искористување на истите, со цел да започнат сопственото претпријатие.

Опис на проектот:

АППРМ е активно вклучена во Програмата Самовработување со грант од 2007 и за секоја наредна година потпишува стандарден меморандум за соработка со УНДП за регулирање на меѓусебните обврски. Програмата Самовработување предвидува советодавна и финансиска поддршка за остварување на 950 одржливи вработувања, односно 950 самовработувања во 900 мали оформени бизниси.

Намената на оваа програма е активирање на пазарот на труд и креирање на работни места со стимулирање на побарувачката на пазарот на труд, изедначување на понудата и побарувачката на истиот во согласност со потребите, подобрување на пазарот на трудот и намалување на сивата економија.

Програмата Самовработување се имплементира преку неколку чекори и активности:

1. Објавување на јавен оглас за аплицирање;
2. Давање информации од јавен карактер за можностите во врска со програмата;
3. Обука за развој на бизнис идеи и претприемачки вештини на првобитно избраните кандидати;
4. Поддршка за изработка на бизнис план;
5. Изработка на критериуми, евалуација и селекција на изработените бизнис планови;
6. Асистенција при регистрација на фирми и давање мали грантови на регистрираните фирми за снабдување со неопходната опрема/или материјали.
   
   

Опис на проектот:

ВИБЕ проектот се однесуваше на предизвиците за развој на иновациите и системот на претприемништво во Североисточна Европа, преку инвестирање на приватен капитал во иновативни компании во соработка со јавни иницијативи и вложувања.

Цели на проектот:

• Собирање и распределување на мапи со извори за финансирање, поддршка и поттикнување;
• Спроведување на ефективно раководење и забрзан раст во соработка со МСП - претприемачите и експертите со што се зголемуваат можностите за поквалитетно финансирање на МСП;
• Изработка на ефективен инвеститорски договор, со земање учество во одделни двогодишни презентации од страна на инвеститорите;
• Проценка, дизајнирање и тестирање на ефективни прекугранични инвестициски механизми со специјализирани инвестициски групи и мобилизирање инвестициски фондови за соработка во ко-инвестирање и поддршка на раст;
• Собирање на сите забележани и истакнати сознанија на проектот, вклучително и кратки профили на МСП, инвеститори, експерти и агенции како и сите online семинари и 4-те Балкански Инвестициски Форуми, поради што поширока online дисеминација и континуитет.

Опис на проектот:

DOCSMES - Програмата на Докторските студии за Претприемништво и МСП Менаџмент на земјите од Западен Балкан, е креирана и имплементирана со цел на комплетирање на циклусот на високо образование во согласност со Болоњската пракса и клучните EHЕА/ERA цели. Програмата овозможи зголемување на нивото на научниот пристап и на културата на Претприемништвото во земјите на Западниот Балкан, што доведе до подобрување во поврзувањето на пазарот на работна сила. Со вклучувањето на Универзитетите и останатите заинтересирани страни, програмата нуди практично знаење, пристап до високи технологии, екстензивна база на податоци, и можности за практичен тренинг. На тој начин, со креирање на професионалци кои со својата креативност и иновативност, од една страна, и преку надградувањето на менаџерските способности во врска со малите и средни претпријатија, на друга страна, им овозможува на компаниите и на економијата во целост да го достигнат посакуваниот раст и напредок. Од големо значење е тоа дека оваа програма на студии обезбедува комбинација на најдобрите Европски пракси на учење, и локалната технологија. Докторската програма започна како Заедничка високо-степена програма од петте Универзитети во Македонија, Албанија и Косово.

Резултати:

• Креирана и имплементирана Заедничка Докторска Програма за Претприемништво и МСП Менаџмент во земјите на Западен Балкан;
• Студентите учесници имаа можност за кратки студиски посети на ЕУ Универзитетите;
• Претставници на вработените во администрацијата од сите земји од Западен Балкан беа обучени и припремени за административната поддршка на докторските програми;
• Техничките капацитети за докторската програма на земјите учеснички беа воспоставени, унапредени и надградени;
• Квалитетите за стандард за докторската Програма беа установени, како и Квалитетите за стандард предвидени за севкупниот проект;
• Информирањето за активностите и конференциите придонесоа многу универзитети кои не биле вклучени во проектот да бидат подетално информирани за новиот пристап;
• Имплементирањето на моделот на Учење на дистанца и воспоставување на Совет за комуникација помеѓу универзитетите и бизнис заедницата на перманентна основа, ја има обезбедено оправаданоста на проектот.

Oпис на проектот:

Генерална цел на проектот FINNO беше да се создаде комуникациска платформа наменет за Институциите задолжени за донесување на одлуки во областа на иновациите. Платформата предвидува користење на зеднички воспоставен одржлив механизам за поттикнување, мерење и следење на иновациската активност на компаниите во регионот на Југоисточна Европа. Со него се очекува постигнување на подобрени перформанси, подобра продуктивност и подобрено ниво на иновативност во регионот на ЈИЕ со можност за меѓусебно спoредување. Истотака, во рамките на проектот е формирано тело - Одбор на FINNO, кое треба да обезбеди соодветно ниво на управување со постојаните и новите релевантни препораки за владите во Југоисточна Европа, вклучувајки ги клучните актери за иновациска поддршка. Клучна придобивка од имплентацијата на проектот е изготвувањето на Табелата за проценка на технолошката иновативност – ТИАС и Aпликација за самооценување - САТ, кои ќе придонесат за одредување стапката на иновативност кај компаниите - директни корисници.

Резултати:

• Обезбедена одржливост на воспоставениот механизам преку Одборот на FINNO;
• Придонес кон поефикасно спроведување на мерките за поддршка на иновациите во ЈИЕ;
• Подготовка на заеднички препораки за политичка акција и подготовка на нови подобрени мерки за поддршка на иновациите;
• Надградба на капацитетите на партнерските институции преку организирање на тематски работилници;
• Следење на иновативноста и споредба на нивото на иновативност преку развој на заедничка методологија со користење на Табелата ТИАС;
• Придонес кон доследна дисеминација на резултатите од проектот преку Механизмот ТИАС.

Опис на проектот:

Проектот мрежа на ментори за жени претприемачи го поддржа работењето на националната мрежа која има за цел да го поддржи развојот на женското претприемништво и да помогне на новоформираните претпријатија успешно да ги одржат своите активности во текот на првите години на постоење на бизнисот.

Специфични цели:

• Да се идентификуваат и селектираат успешни претприемачи кои ќе дејствуваат како ментори;
• Да реализира програма за обука на избраните ментори;
• Да се идентификуваат и селектираат жени претприемачи во својство на менторирани;
• Да го идентификува односот ментор-менториран;
• Официјално отпочнување на Програмата за менторство;
• Да го олесни, набљудува и оцени процесот на менторирање;
• Да се обезбеди соодветна видливост на мрежата и менторската шема;
• Да обезбеди развој на најдобри практики во менторските односи.

Специфични цели:

• Организација на локални настани за промоција на ЕЕН Мрежата и свесноста за услугите;
• Зголемување на свесноста кај македонските МСП за решавање на проблемите во релации со ЕУ;
• Користење на системот за комуникација со цел највисоко ниво на информираност;
• Одржување на перманентен контакт со компаниите;
• Специјализирани услуги поврзани со иновативноста, интернационализацијата и заштита на интелектуална сопственост;
• Придонес кон создавање на меѓународно конкурентни компании преку брокерски настани.

Опис на проектот:

INTERVALUE беше проект во рамките на Програмата на ЈИЕ за Транснационална соработка. Проектот имаше за цел создавање на организациска рамка и методолошки алатки кои се однесуваат на валоризацијата на истражувањата направени на универзитетите во регионот и истражувачките центри, што претставува еден од основните предизвици на економскиот развој во ЈИЕ. INTERVALUE се базираше на фактот дека регионот на ЈИЕ заостанува во иноваторството, иако во овој процес се вклучени многу истражувачки центри и универзитетски лаборатории. Овие организации произведуваат истражувачки резултати кои неможат да го најдат својот пат кон пазарот или било каква примена.

INTERVALUE ја поддржуваше интеракцијата меѓу универзитетите и индустријата преку:

• Развој на И&Р база на податоци со научно истражувачки резултати од повеќе од 50 академски институции од 8 земји на ЈИЕ
• Развој на механизам за подготовка на планови кои се базираа на анализите на техничката физибилност, интелектуалната сопственост, пазарниот потенцијал и финансирањето на перспективните научно истражувачки резултати.
• Онлајн платформа за соработка, INTERVALUE платформа
• Веб место за учење во кое беа вклучени патоказите за онлајн учење во врска со менаџментот на интелектуалната сопственост на 7 јазици и фазите на развој на нов производ од генерирањето на идеи, оправданост на предложените проекти, комерцијализација и лансирање на производ
• Промоција на плановите на брокерски настани каде беа повикани да учествуваат инвеститори
• Поддршка во реализацијата на договори за избраните научно истражувачки резултати
  
   

Опис на проектот:

Проектот “Градење на капацитетите за создавање економија базирана на знаење“, започна со активности во јули 2009 година, по потпишувањето на Меморандум и Договор за  имплементација на проектот помеѓу Австриската Амбасада и Австриската развојна на соработка од една страна во својство на донатори и Министерството за економија и Агенцијата за поддршка на претприемништвото на РМ на друга страна во својство на корисник, со основна цел:  Да се зајакне економскиот развој во Македонија преку промоција на претприемачкото учење, економија базирана на “иновации и знаење“  и да допринесе кон намалувањето на невработеноста во државата.Специфична цел на проектот беше јакнење на услугите за деловен развој преку изградба на капацитетите на националните  даватели на услуги, промовирање и усвојување на препораките од Европскиот Чартер за Мали Бизниси, преку економија базирана на знаење.