Агенцијата за иновации, научно-технолошки развој и претприемништво на Р. С. Македонија - ИНОВА е основана во август 2025 година како државна агенција одговорна за спроведување мерки и активности за унапредување на иновациите, конкурентноста, науката и технолошкиот развој, зелената и дигиталната трансформација кај малите и средни претпријатија, како и за промоција на претприемништвото меѓу младите и невработените лица.
ИНОВА е правен наследник на две институции: Фондот за иновации и технолошки развој и Агенцијата за промоција на претприемништвото.

Надлежности на ИНОВА:

• Подготовка, спроведување и финансирање на мерки, активности и инструменти за поддршка на целните групи
• Обезбедување техничка помош за отворање бизнис и експертска поддршка за постојните компании
• Учество во владини програми поврзани со промоција на претприемништвото, самовработувањето и развојот на бизнисите
• Вмрежување со меѓународни институции и организации во спроведување на заеднички проекти поврзани со поддршка и развој на мали и средни претпријатија, иновации и промоција на претприемачки активности
• Подготовка и спроведување на различни истражувачки проекти и анализи
• Обезбедување финансиска поддршка за претприемачи и стартапи со цел унапредување и развој на нивната конкурентност, воведување дигитална трансформација и примена на зелени практики во нивното работење
• Координација на мрежата на локални организации за бизнис-поддршка низ државата и заедничко спроведување на владините мерки за поддршка на локално ниво
• Соработка со други национални институции и организации во спроведување заеднички активности и проекти

Клучни инструменти за финансиска поддршка:

• Кофинансирани грантови за новоосновани стартапи и спин-оф компании;
• Кофинансирани грантови и поволни заеми за комерцијализација на иновации;
• Кофинансирани грантови за основање, работење и инвестиции во бизнис-технолошки акцелератори;
• Кофинансирани грантови за технолошка надградба;
• Кофинансирани грантови за паметна специјализација (зелени и дигитални технологии).

Клучни инструменти за не-финансиска поддршка

• Субвенционирана техничка и експертска помош за постојните претпријатија и потенцијални претприемачи;
• Менторска програма;
• Обуки за јакнење на капацитетите на претприемачите, стартапите и нивните вработени;
• Кампањи за подигнување на свеста за промоција на претприемништвото;
• Обука на консултанти.

Соработка со други институции

ИНОВА работи во тесна соработка со министерство за образование и наука, министерство за економија и труд и министерство за дигитална трансформација, чии општи надлежности вклучуваат изработка на стратешки документи, донесување и изменување на закони, иновациски програми и учество во Советот.
Клучни стратешки документи: Стратегија за паметна специјализација, Стратегија за мали и средни претпријатија и ИКТ стратегија.